Ілияс Есенберлин атындағы №67 гимназиясында «Дос болайық» челленджі ұйымдастырылды

Аталған челлендж жақсы сөз бен қолдау көрсетуге бағытталған бейнероликтер арқылы мектеп оқушыларының бір-біріне құрмет, мейірім және өзара қолдау көрсетуін насихаттауды мақсат етті.

Іс-шара гимназияның Мектеп парламенті тарапынан ұйымдастырылып, оқушылар арасында достықты нығайтуға, жағымды қарым-қатынас орнатуға және психологиялық қолдау көрсетуге бағытталды. Челлендж барысында оқушылар бір-біріне жылы сөз айтып, ізгі ниеттерін білдіріп, өзара сыйластықтың маңызын көрсетті.

Бұл бастама оқушылардың адамгершілік құндылықтарын қалыптастыруға, мектеп ұжымында жағымды орта орнатуға және бірлік пен ынтымақты арттыруға ықпал етті.